Mir braued Raader Quell sit 2016 im Züri Oberland. Oisi Craft Beer braued mer vo Hand us rein natürliche Zuetate und frischem Quällwasser.
Sit oisem Aafang hämmer scho 13 verschideni Bier braut. Im Momänt braued mer 7 Sorte immer wider: Oises CB CitrusBrew isch es süffig-liechts Bier und bsunders bi Fraue beliebt. Wännd's gern echli schtärcher häsch, denn griifsch zum Geile Bock. Oises Soho isch es Maisbier wo's mit jedem Mexikaner ufnimmt. De Weizeliebhaber schnappt sich es 40ty wo nume liecht süesslich isch. Oises First Laundry für ali Wältebummler hämmer s erscht mal mit neuseeländischem Wakatu-Hopfe i de Wöschchuchi braut. De Summer muesch mit em richtige Spirit läbe und locker-liecht gnüsse. Wenn'd en rockig-härte Typ (oder eifach e kuuli Frau) bisch, denn wirsch en Groupie vo oisem BOR - Bastards of Rock.
